سەنتەری توێژینەوەی پیو: هێشتا گەورەساڵان بەکارهێنەری بەردەوامی یوتیوب و فەیسبووکن

سبەی

هێشتا یوتیوب، فەیسبووک و ئینستاگرام لە ریزی پێشەوەی بەکارهێنانن لای گەورەساڵانی ئەمەریکا، ئەوەش بەپێی توێژینەوەیەکی نوێی سەنتەری توێژینەوەی پیو.

بەپێی توێژینەوەیەکی پیو، لە نێو گەورەساڵانی ئەمەریکادا هێشتا پلاتفۆرمەکانی یوتیوب، فەیسبووک و ئینستاگرام لە ریزی پێشەوەی بەکارهێنەرانن لای گەنجان، هەروەها بەراورد بە چوار ساڵ بەر لە ئێستا بەکارهێنەرانی تیکتۆک بەشێوەیەکی بەرچاو زیادی کردووە.

توێژینەوەکەی سەنتەری پیو ئاماری لە پێنج هەزار و 22 گەورەساڵ وەرگرتووە، لە ئەو ژمارەیە 84%ـی بەکارهێنەری بەردەوامی یوتیوبن، 71%ـی بەکارهێنەرانی بەردەوامی فەیسبووکن، هەروەها 50%ـی بەکارهێنەری ئینستاگرامن.

هەرچەندە خاوەندارێتی پلاتفۆرمی ئێکس بۆ ئیلۆن مەسکی ئەمەریکی دەگەڕێتەوە، بەڵام بەراورد بە چوار ساڵی رابردوو بەکارهێنەرانی لە ئەمەریکادا پاشەکشەی کردووە و لە نزیکەی 25%ـەوە دابەزیوە بۆ 21%.

لە ماوەی چوار ساڵی رابردوودا، بەکارهێنانی وەتسئەپ لە نێو گەورەساڵاندا لە بەشێوەیەکی جێگیر بەرزبووتەوە. بەپێی توێژینەوەکەی پیو، لە 2021 رێژەی بەکارهێنانی وەتسئەپ 23% بووە، بەڵام لە 2025 بەکارهێنانی وەتسئەپ لەلایەن گەورەساڵانەوە بووە بە 32%.

بەپێی پیو، بەکارهێنەرانی تیکتۆکێش بەشێوەیەکی بەرچاو لە نێو گەورەساڵاندا بەرزبووەتەوە؛ بە جۆرێک لە  2021، رێژەکە 20% بووە، بەڵام لە 2025 رێژەکە بووە بە 37%.