هەڤاڵ ئەبوبەکر: کۆتایی بەم دۆخە ناهەموارە بهێنن
- پارێزگاری سلێمانی، هەڤاڵ ئەبوبەکر، پەیامێکی لە بارەی هێرشەکەی تورکیا لە سەیدسادق بڵاوکردەوە و تێیدا ڕایگەیاند، "بە توندی سەرکۆنەی هێرشە بەردەوامە سەربازییەکان بۆسەر هەرێمی کوردستان و سنوری پارێزگاکەمان و بۆ سەر گیان و ماڵ و موڵکی هاووڵاتیان؛ دەکەین".
سبەی:
پارێزگاری سلێمانی، هەڤاڵ ئەبوبەکر، پەیامێکی لە بارەی هێرشەکەی تورکیا لە سەیدسادق بڵاوکردەوە و تێیدا ڕایگەیاند، "بە توندی سەرکۆنەی هێرشە بەردەوامە سەربازییەکان بۆسەر هەرێمی کوردستان و سنوری پارێزگاکەمان و بۆ سەر گیان و ماڵ و موڵکی هاووڵاتیان؛ دەکەین".
لە ڕاگەیەندراوەکەدا هاتووە: "درود بۆ ڕۆحی شەهیدان ڕۆژنامەوانان خاتوو هێرۆ بەهادین و خاتوو گوڵستان تارا، دەنێرین و، ئومێدی چاکبونەوەی خێرا بۆ برینداران دەخوازین، کە ئەمڕۆ لە هێرشێکی تردا؛ بوونە قوربانیی".
لە پەیامەکەدا، پارێزگاری سلێمانی هیچ لایەکی بە ئەنجامدانی بۆردومانەکە تۆمەتبار نەکردووە و ناوی بکەری هێرشەکەی نەهێناوە.
لە کۆتایی پەیامەکەشدا هاتووە: "دووپاتیدەکەینەوە، شەڕو پەلاماردان و چارەسەری سەربازیی، کێشەکان چارەسەر ناکەن و دۆخەکان خراپتر دەکەن، داوا لە هەموو لایەک دەکەین بگەڕێنەوە سەر ڕێگای گفتوگۆو لەیەکگەیشتن و ڕێڕەوی ڕاستی ئاشتیی، کۆتایی بەم دۆخە ناهەموارە بهێنن کە ناوچەکەی خستۆتە سەر لێواری کەوتن و ناسەقامگیرییەکی مەترسیدار".
دوو ملیۆن بەرمیل بەرەو چین؛ نەوتى عێراقى لە کەنداو دەسوتێت
هەسەدە نیگەرانە؛ ئەمەریکا لە دوو بنکەى سەربازى لە رۆژئاواى کوردستان کشایەوە
لە فەرمانى چۆڵکردنەوە بۆ کۆنتڕۆڵکردنى ئاسمان؛ ترەمپ: دەزانین خامنەیی لەکوێ خۆى حەشارداوە بەڵام جارێ نایکوژین