خیسوس کاساس بیر لە جێگرەوەی ئەیمەن حسەین دەکاتەوە

سبەی

خیسوس کاساس، ڕاهێنەری هەڵبژاردەی عێراق، دەستیکردووە بە ئامادەکردنی جێگرەوەیەک بۆ شوێنی هێرشبەر ئەیمەن حسەین. 

بە گوێرەی ڕاپۆرتی ڕۆژنامەو ماڵپەڕە عێراقیەکان، کاساس هێرشبەر، علی حەمادی دەستنیشانکردووە بۆ شوێنگرەوەی ئەیمەن. کە لە خولەکی سەرەتای  یاریەکەی کوەیت یاریپێبکات. لە کاتێکدا پێشبینییەکان ئاماژە بەوە دەکەن، کە پێکانەکەی ئەیمەن قورس نییە و ئەگەری هەیە بتوانێ بەشداری یاری داهاتوو بکات.

بەڵام کاساس نایەوێت سەرکێشی بە ژیانی یاریزانەکەوە بکات، بە بەشداریپێکردنی. تەنانەت ئەگەر ڕاپۆرتە پزیشکیەکانیش ڕێگەی بەشداری پێکردنی بدەن.

ئەیمەن لە یاری هەڵبژاردەی عێراق دژی هەڵبژاردەی عومان، لە پاڵاوتنەکانی مۆندیالی 2026 بۆ کیشوەی ئاسیا، توشی پێکان هات. ئەویش دوای ئەوەی تاکە گۆڵی بردنەوەی هەڵبژاردەکەی لە خولەکی 13 تۆمارکرد و سێ خاڵی گرنگی بەخشیە شێرەکانی رافیدەین.