نرخی زێڕ 15 دۆلار دابەزی

سبەی

لەگەڵ زیاتر بەرزبونەوەی بەهای دۆلاری ئەمەریکی بەرامبەر دراوە سەرەکییە جیهانییەکان، نرخی زێر بەردەوامە لە دابەزین و  هەر ئۆنسەیەک ئەمڕۆ نزیکەی 15 دۆلاری لێبوەوە .

ئەمڕۆ دووشەممە 11ی تشرینی یەکەمی 2024، نرخی گرێبەستەکانی کانزای زێڕ، بەڕێژەی 0.55٪ دابەزی کە دەکاتە 14.9 دۆلار، بەمەبەش نرخی هەر ئۆنسەیەک زێر ئێستا لە بازاڕەکانی جیهاندا بەرامبەرە بە 26.71 دۆلار. (ئۆنسەیەک زێر یەکسانە بە 29.75 گرام)

دابەزینی نرخی زێڕ هاوکاتە لەگەڵ بەرزبونەوەی بەهای دۆلاری ئەمەریکی کە لە مامەڵە داراییەکانی ئەمڕۆدا بەرامبەر شەش دراوە سەرەکییەکە بەڕێژەی 0.03٪ بەرزبوەوە.

ئەوەش دوای چاوەڕوانییەکانی وەبەرهێنەران دێت بەرامبەر داهاتوی ئابوری ئەمەریکا و لێدوانی بەرپرسی ئەنجومەنی یەدەگی فیدڕاڵی بەرامبەر بە نرخی سوودی بانکی.

ڕۆژی هەینی (8-11)، نرخی زێر لە بۆرسەی جیهانیی لە کاتی داخستنی بازاڕدا لە کۆتایی هەفتەدا دابەزینی تۆمارکرد و نرخی هەر ئۆنسەیەک 11 دۆلار دابەزی.

دوای دەرکەوتنی کۆتایی هەڵبژاردنەکانی ئەمەریکا و سەرکەوتنی ترەمپ، ئەو دراوە ئاڵتونییە هەفتانە 2٪ نرخەکەی لە دەستدەدات و لەبەرامبەردا دۆلاری ئەمەریکی بەردەوام بەرامبەر دراوە سەرەکییەکانی دیکە لە بەرزبونەوەدایە.

هەرچەندە زێڕ لە دوای سەرکەوتنی ترەمپەوە بەردەوام نرخەکەی دادەبەزێت بەڵام بەشێك لە ئابوریناسان و شیکەرەوەکانی بازاڕە داراییەکان پێشبینی دەکەن دابەزینی نرخی زێڕ کاتی بێت و لە ساڵی داهاتوودا نرخەکەی زیاتر بەرزببێتەوە.

پیتەر فونگ شیکەرەوەو سەرۆکی ئەنجومەنی فۆنگ بۆ کانزا گرانبەهاکان دەڵێت: هێشتا رێڕەوی نرخی زێڕ بەرەو هەڵکشانە، ئەگەر خەڵک بەردەوام بن لە کڕینی زێڕ بەوپێیەی کانزایەکی باشە و پەناگەیەکەی ئارامە بۆ پارێزگاریی لە سامانەکانیان، ئەوا پێشبینی دەکەین ساڵی داهاتوو نرخی یەک ئۆنسە زێڕ بگاتەوە نزیکەی 3000 دۆلار.