بزوێنەرێک داهێنراوە کاربۆنی تێکەڵبوو لەگەڵ هەوا دەکات بە بەنزین

سبەی

کۆمپانیایەکی ئەمەریکی بزوێنەرێکی داهێناوە کە هێندەی بەفرگر دەبێت و ئەو کاربۆنە وەردەگرێت و ڕاستەوخۆ دەیکات بە بەنزین کە تێکەڵی هەوا بووە.

ماڵپەڕی ئیندیپێندنت بڵاوی کردووەتەوە کۆمپانیای Aircela ئەو بزوێنەرەی داهێناوە و بە بەکارهێنانی تەکنەلۆژیای گرتنی کاربۆن، دوانۆکسیدی کاربۆن دەگرێت و گلی دەداتەوە.
 هەر دوای گرتنیشی، بزوێنەرەکە ڕاستەوخۆ کاربۆنەکە دەکات بە بەنزین. بەم جۆرەیش بزوێنەرەکە پێویستی بە سووتەمەنیی بە بەردبوو نابێت.

ئەو بەنزینەی بزوێنەرەکە بەرهەمی دەهێنێت گۆگرد، ئێسانۆل و کانزا قورسەکانیش لەخۆ ناگرێت.

Aircela بانگەشەی ئەوە دەکات بەبێ ئەوەی پێویستی بە هیچ جۆرە ژێرخانێک بێت، دەکرێت ئەو میکانیزمە بۆ تەواوی ئەو بزوێنەرانە بەکار بهێندرێت کە بە بەنزین کار دەکەن. 

گوتەبێژێکی ئەو کۆمپانیایە بە Popular Scienceی ڕاگەیاندووە ئەو بزوێنەرە بە جۆرێک دروست کراوە ڕۆژانە دەتوانێت نزیکەی 37 لیتر دوانۆکسیدی کاربۆن بگرێت و نزیکەی 3،7 لیتر بەنزین لەو کاربۆنە بەرهەم بهێنێت.

تانکی بزوێنەرەکە دەتوانێت 64 لیتر بەنزین بگرێت، بۆیە ناتوانێت لە شەوێک هێندە بەنزین بەرهەم بهێنێت کە تانکی بەنزین ئۆتۆمبێل پڕ بکات.

بەرپرسانی کۆمپانیاکە باسیان لەوە نەکردووە کە تێچووی بەرهەمهێنانی ئەم جۆرە بزوێنەرە چەندە.

 لە بەرنامەیدایە پاییزی ئەمساڵ بۆ یەکەمجار ئەم جۆرە بزوێنەرانە بخاتە بازاڕ. Aircela