سزاى کوشتن یان کڕین و فرۆشتن بە جۆرە قالۆنچەیەک زیاتر لە 14 هەزار دۆلارە

سبەی

جۆرە قالۆنچەیەک لە تورکیا مەترسی لەناوچوونی لەسەرە و هەر کەسێک بەئەنقەست بیکوژێت، یان بیفرۆشێت ئەوا بە پێدانی 557 هەزار لیرە (14 هەزار و 180 دۆلار) سزا دەدرێت.

ئەم جۆرە قالۆنچەیە کە ناوی زانستی Lucanus cervusیە ئەمڕۆ شەممە 7ی حوزەیران لە گوندێکی شارۆچکەی فەکە لە پارێزگای ئادانا بیندراوە.

ئەم جۆرە قالۆنچەیە کە هەر هێندەی پەنجەیەک دەبێت، ڕۆڵێکی گرنگی هەیە لە پاراستنی هاوسەنگی ژینگەدا و ئەوانەی دەیبینن لێی دەترسن.

ئەم جۆرە قالۆنچەیە بە مەبەستی ئەنجامدانی توێژینەوەی زانستییش کەڵکی لێ وەردەگیرێت.

Lucanus cervus بەوە ناسراوە کە لە زنجیرە چیای ئامانۆس دەژی لە پارێزگای هاتای لە تورکیا و کەسانێک ئامادەن 100 هەزار دۆلاری پێ بدەن، بەڵام بەڵام هەر کەسێک بەئەنقەست بیکوژێت، یان بیفرۆشێت ئەوا بە پێدانی 557 هەزار لیرە (14 هەزار و 180 دۆلار) سزا دەدرێت.