دەیان ئەکادیمی و چالاکوان و مافپەروەری عێراقی دژی پێنەدانی مووچەی فەرمانبەرانی هەرێم دەوەستنەوە

سبەی

دەیان رێکخراوی مافی مرۆڤ و ئەکادیمی و رۆژنامەنوس و پزیشک و پارێزەری عێراقی هەڵوێستی خۆیان لەسەر پێنەدانی مووچەی فەرمانبەرانی هەرێمی کوردستان رادەگەیەنن و داوا دەکەن فەرمانبەران نەکرێنە قوربانیی ململانێ سیاسییەکان. داوای هەڵوێستیش لە یۆنامی و رێکخراوەکانی مافی مرۆڤ دەکەن فشار لە هەردوو حکومەتی هەرێم و فیدراڵی بکەن بۆ چارەسەرکردنی کێشەکان بەزووترین کات.

لە بەیاننامەکەدا کە ناوو ئیمزای دەیان رێکخراوی مافی مرۆڤ و چالاکوان و بەرگریکاری مافەکانی مرۆڤ و ئەکادیمی و نوسەر و رۆژنامەنووس و پزیشک و یاساناس و پارێزەری لەسەرە، بە توندترین دەستەواژە ئیدانەی بڕینی مووچەی فەرمانبەرانی هەرێمی کوردستان و خانەنشین و سودمەندانی تۆڕی پاراستنی کۆمەڵایەتی دەکەن، کە بوەتە هۆی زیادبوونی کێشەی ئەو چین و توێژانە بەتایبەتی و هاوڵاتیان بە گشتی، کە بڕینی مووچەیە پێش جەژنی قوربانی پیرۆز.

ئاماژەیان بەوەکردووە؛ لەکاتێکدا پێویستە حکومەتی فیدراڵی سزای دەسەڵاتدارانی هەرێم بدات و دەروازەکانی بەقاچاخبردنی نەوت دابخات و لێپرسینەوە لە قاچاخچییەکان بکات، نەک تەنها چاوی لەسەر یەک دۆسیە بێت و ئەوانی دیکە پشتگوێ بخات.

لە بەیاننامەکەدا، بەرپرسیارێتی سەرەکییان خستوەتە ئەستۆی پارتە گەورەکانی شیعە و پارتی دیموکراتی کوردستان لە هەولێر و هاوبەشەکانیان لە یەکێتی نیشتیمانی کوردستان لە سلێمانی و پارتە سونییە هاوبەشەکانیان لە هاوپەیمانیی ئیدارەی دەوڵەت.

ئەو ئەکادیمی و پارێزەر و بەرگریکارانە داوایان لە هەردوو حکومەتی فیدراڵی و هەرێمی کوردستان کردووە، فەرمانبەران نەئاڵێنن لە ناکۆکییە سیاسییەکان و چارەسەری کێشە هەڵپەسێردراوەکانی نێوانیان بکەن بەپێی دەستور و یاسا کارپێکراوەکان و سزادانی گەندەڵکاران لەهەر پێگە و سەر بە هەر لایەنێک بن.

داواش لە نێردەی نەتەوەیەکگرتووەکان بۆ عێراق (یۆنامی) و رێکخراوەکانی مافی مرۆڤ دەکەن فشار بخەنە سەر حکومەتی فیدراڵ و حکومەتی هەرێم بۆ گەیشتن بە چارەسەری خێرا بۆ کۆتایی هێنان بە قەیرانی مرۆیی لە هەرێمی کوردستان.

ناوی ئەو کەسانەی بەیاننامەکەیان دەرکردووە:

1. غەسان عەتیە – ئەکادیمی و بیرمەند
2. وجدان عەبدولئەمیر – ئەکادیمی و چالاکوان
3. د.هەیسەم ئەلهیتی – ئەکادیمی لە زانکۆی ئەکستەر
4. سابت عامر- چالاکوان لە سەڵاحەدین
5. عەلی عەباس – چالاکوانی رێکخراوەکان
6. موجتەبا قازی- توێژەر و چالاکوان
7. عومەر رەجەب حەرفوش – خاوەنکار
8. سەباح ئەلتائی – چالاکوانی سیاسی
9. زەینەب حەمزە موحسین – راهێنەر و چالاکوان
10. لەیس ئەلسەفار – سەرۆی رێکخراو کاروباری پەنابەران/ دانیمارک
11. ئامال ئیبراهیم محەمەد- توێژەر
12. نەبیل ئەلسامەڕائی – خاوەنکار
13. ئایات ئەلفەهداوی – راگەیاندنکار
14. عەبدولوەهاب ئەلعەباسی چالاکوانی مافەکانی مرۆڤ
15. ئەفنان ئەلخەفاجی – مافناس
16. عەلی ئەلبورهان – چالاکوانی مافەکانی مرۆڤ
17. عەلی موری – سەرۆکی  (منتدى الركن المعرفي)
18. ماجید ئەلکەنانی – چالاکوان
19. د.محەمەد ئەلجبوری – چالاکوان/ حەویجە
20. مەهدی ئەلنوری – چالاکوان/ پارێزگای میسان
21. مریەم حسێن عەلی – چالاکوانی مەدەنی/ کەرکوک
22. عەلا ئەلسامەڕائی – چالاکوانی سیاسی
23. فوئاد بەخیت – چالاکوانی سەرۆکی رێکخراوی گەنجان
24. نور حامید شەبیب – چالاکوانی مەدەنی
25. ویسام سامی حەسەن – چالاکوانی مەدەنی
26. ئەمەل سەقەر- رۆژنامەنوسی و نوسەر، سەرۆکی رێکخراوی نما بۆ راهێنانی راگەیاندن
27. باوکی شەهید مستەفا هادی ئەلمالیکی
28. عەلی ئەلعەلەوی  - چالاکوان
29. سەلام عەلی – چالاکوانی مەدەنی
30. حەیدەر ئەلحلفی – چالاکوانی سیاسی
31. رەعد تەمیمی – سەرۆکی لیژنەی بەرگریی لە قوربانیانی تیرۆر
32. عەبدولەهاب تەمیمی – پەیوست بە کاروباری قوربانیانی جەنگ و تیرۆر
33. سارە ئال شایع ئەلدوبی – پارێزەر و چالاکوانی سیاسی
34. شامیل فەرتوسی – شارەزای کاروباری کۆمەڵایەتی
35. عەمار ئەلحیلفی – ئەندازیار و چالاکوانی سیاسی
36. بەسام ئەحمەد- پارێزەر و چالاکوان
37. ئەزهەر ئەلدبی – سەرۆک هۆز
38. ئەلباب فەرقەد یوسف عیزەدین – دامەزراوە ئەحداق بۆ تەندروستی گشتی
39. حەفسە عامر – شالاکوانی ژنان
40. موجتەبا عەدنان – شاعیر  و چالاکوانی سیاسی
41. شیروان موفتی – پزیشکی پسپۆڕ
42. د.عەلیا ئال هەزا
43. د.وئام خەلیل ئەحمەد – پزیشکی خانەنشین
44. ئەحمەد رەحیم عەبدولنەبی چالاکوان 
45. رائید عەبیس – ئەکادیمی لە زانکۆی کوفە
46. عوبەیدە ئەلسەماوی – چالاکوان