بانكی ناوەندیی: پێویستە سەرجەم دامەزراوەكانی دەوڵەت پابەندی پارەدانی ئەلكترۆنیی بن
- عەلی عەللاق، پارێزگاری بانكی ناوەندیی عێراق بە ئاژانسی فەرمیی عێراق "واع" ی راگەیاند:"پارەدانی ئەلكترۆنی پێشكەوتنێكی بەرچاوی بەخۆوە بینیوە، دەرگایەكە لە دەرگاكانی گۆڕانكاریی دیجیتاڵی بەرەو ئابوریەكی دیجیتاڵی و پرسەكە زیاتر پەیوەستە بە ژێرخانی ئابوری و كارلێككردن لەگەڵ جیهان، بۆ ئەوەی لەرووی داراییەوە زیاتر گشتگیر بین، هەموو ئەو لایەنانەش ستراتیژی جێگیر و پێشكەوتوون".
بانکی ناوەندیی عێراق
سبەی
پارێزگاری بانكی ناوەندیی عێراق رایگەیاند، رێنمایی و رێسا بۆ رێكخستنی پرۆسەی پارەدانی ئەلكترۆنی دەردەكەن، ئەویش لە رێگەی پابەندكردنی سەرجەم دامەزراوەكانی دەوڵەت بە مامەڵەكردن بەشێوەی ئەلكترۆنی و دووركەوتنەوە لە پارەی كاش.
عەلی عەللاق، پارێزگاری بانكی ناوەندیی عێراق بە ئاژانسی فەرمیی عێراق "واع" ی راگەیاند:"پارەدانی ئەلكترۆنی پێشكەوتنێكی بەرچاوی بەخۆوە بینیوە، دەرگایەكە لە دەرگاكانی گۆڕانكاریی دیجیتاڵی بەرەو ئابوریەكی دیجیتاڵی و پرسەكە زیاتر پەیوەستە بە ژێرخانی ئابوری و كارلێككردن لەگەڵ جیهان، بۆ ئەوەی لەرووی داراییەوە زیاتر گشتگیر بین، هەموو ئەو لایەنانەش ستراتیژی جێگیر و پێشكەوتوون".
عەلی عەللاق ئاماژەی بەوەشدا "بانكی ناوەندی لەگەڵ حكومەت و كەرتی تایبەت و كۆمپانیاكانی پارەدانی ئەلكترۆنی و كۆمپانیا تەكنەلۆجییەكان لەوبارەیەوە لە پەیوەندی و هەوڵێكی گەورەدایە، جوڵە و ئاراستەكردنی رێكخراوەیی و یاساییمان هەیە و بانكی ناوەندی و حكومەت بە هەماهەنگی كاردەكەن".
پارێزگاری بانكی ناوەندیی عێراق دەشڵێت "لە رێگەی ئەو بڕیارەی ئەنجومەنی وەزیرانی عێراق كە دەریكرد، بۆ پابەندكردنی سەرجەم دامەزراوەكان تا پارەدانی ئەلكترۆنی بەكاربهێنن لەبری پارەی كاش، لەگەڵ حكومەت هەماهەنگیمان هەیە بۆ تەوتینی مووچە بۆ ئەوەش ملیۆنان كەسی دیكە بە ئەلكترۆنی مامەڵەی پارە دەكەن، بۆ ئەوەش لە رێگەی هۆشیاركردنەوە و كۆمپانیاكان و رێكخراوەكانەوە كاردەكەین".
"پێشكەوتن لە بواری پارەدانی ئەلكترۆنی پێویستە بە ژێرخان هەیە، لەگەڵ ژێرخانی یاسایی و هۆشیاری كۆمەڵگەیی، ئەو سێ لایەنەش پێویستە بە چڕی كاریان لەسەر بكرێت، زۆرێك لە ژێرخانەكەش لەلایەن بانكی ناوەندییەوە سەركەوتنی تێدا بەدەستهێنراوە، ئەوەش بە تەواوی لەگەڵ مامەڵە نێودەوڵەتیەكان دەگونجێت و چوارچێوەی یاساییمان بۆ كردووە، بە رێنمایی و رێساش رێكمان خستووە، بەڵام پێویستمان زیاتر بە لایەنی سێیەمە، كە ئەوەش هۆشیاری كۆمەڵگەیی و رۆشنبیرییە". عەلی عەللاق پارێزگاری بانكی ناوەندیی عێراق وای وت.
بڕیارەكەی بانكی ناوەندی لەكاتێكدایە، بانكەكە چەند ساڵێكە دەستی بە گرتنەبەری رێكاری چڕ كردووە بۆ پەرەپێدانی سیستمی پارەدانی ئەلكترۆنی بە ئامانجی دەستبەرداربوونی خەك لە مامەڵەكردن بە پارەی كاش.
رێوشوێنە نوێیەكەی بانكی ناوەندی دوای سزاكانی ئەم دواییەی ئەمەریكا دێت كە بەهۆیەوە بۆماوەیەك سەرجەم ماستەركارت و ڤیزا كارتە بانكییەكان لە عێراق و هەرێمی كوردستان راگیران، جگە لە ماستەركاتی سویچ كە كۆمپانیایەكی ئەمەریكییە.
جەنگی دژ بە تیرۆر؛ ئۆپەراسیۆنی ئاسایشی هەمیشەیی گەلان بە دەستگیرکردنی 51 ئەندامی داعش کۆتاییهات
40ساڵ سەرسوڕمان؛ پەیوەندی نێوان جگەرەكێشان و تەندروستی ریخۆڵە چییە؟
توێژینەوەیەکی نوێ؛ زیرەکیی دەستکرد دەبێتە ئامڕازێکی بەکارهێنانی رۆژانە