سوودەکانی سپێناخ بۆ تەندروستی دڵ و خوێنبەرەکان
- سپێناخ سەوزەیەکی گەڵادارە و دەوڵەمەندە بە ماددە خۆراکییەکان. پرۆتین، ئاسن، ڤیتامین، کانزاکان و رێژەیەکی بەرزی ڤیتامین سی تێدایە، جگە لە سوودەکانی بۆ دڵ و خوێنبەرەکان، سوودی هەیە بۆ پێست و قژ و تەندروستی گشتی و تەندروستی ئێسک.
سبەی
سپێناخ سەوزەیەکی گەڵادارە و دەوڵەمەندە بە ماددە خۆراکییەکان. پرۆتین، ئاسن، ڤیتامین، کانزاکان و رێژەیەکی بەرزی ڤیتامین سی تێدایە، جگە لە سوودەکانی بۆ دڵ و خوێنبەرەکان، سوودی هەیە بۆ پێست و قژ و تەندروستی گشتی و تەندروستی ئێسک.
خواردنی بەردەوامی سپێناخ، مردن بەهۆی نەخۆشییەکانی دڵ و خوێنبەرەکان کەم دەکاتەوە. کاریگەرییە تەندروستییەکانی سپێناخ چییە و چۆن دەتوانین بە دروستی بیخۆین؟ بۆچی سپێناخ هێندە بەسوودە بۆ دڵ؟
سپێناخ بە سوودە بۆ دڵ، چونکە پۆتاسیۆمی تێدایە، کە کاریگەرییە زیانبەخشەکانی سۆدیۆم سنووردار دەکات و پەستانی خوێن دادەبەزێنێت، ئەوەش وادەکات فشار لەسەر دڵ کەمببێتەوە. قاپێکی بچووک سپێناخ 24%ـی پێویستی رۆژانەی پۆتاسیۆم دابین دەکات.
جگە لەوەش سپێناخ دەوڵەمەندە بە نیتراتی سروشتی، کە دەگۆڕێت بۆ نیتریک ئەکسید لە لەشدا، ئەمەش دەبێتە هۆی فراوانبوونی خوێنبەرەکان و سوڕی خوێن باشتر دەکات و پەستانی خوێن دادەبەزێنێت.
هەروەها سپێناخ ترشی فۆلیکی تێدایە، کە ئاستی هۆمۆسیستئین کەمدەکاتەوە، (ترشە ئەمینییەک کە زیان بە دیواری خوێنبەرەکان دەگەیەنێت و ئەگەری تووشبوون بە جەڵتەی مێشک زیاد دەکات).
هەر بۆیە پزیشکان و پسپۆڕانی خۆراک پێشنیازی ئەوە دەکەن سپێناخ بۆ ژەمەکان زیادبکرێت، چونکە جگە لە تامە خۆشەکەی، دڵیش دەپارێزێت.