ئەستێرەیەکی ریال مەدرید بەراوردی نێوان ئەنچیلۆتی و ئەلۆنسۆ دەکات

سبەی

ئۆریلیان چوامینی یاریزانی فەرەنسی یانەی ریاڵ مەدریدی ئیسپانی، ستایشی کارلۆ ئەنچیلۆتی راهێنەری پێشووی یانەکەی و چابی ئەلۆنسۆی راهێنەری ئێستا دەکات، نایشارێتەوە شێوازی یاریکردنی تیمەکە لەسەردەمی راهێنەرە ئیسپانیەکەدا گۆڕانکاری بەسەرداهاتووە. 

لە وەڵامی پرسیاری بەراوردکاری لە نێوان راهێنەری پێشوو و ئێستای ریاڵ مەدرید، چوامینی وتوویەتی: لەگەڵ کارلۆدا زۆر سەرکەوتنمان بەدەستهێنا، ئەو یەکێکە لە باشترین راهێنەرەکانی مێژوو، بەڵام چابی داوامان لێدەکات کاری جیاواز بکەین؛ ئەو دیدگایەکی جیاوازی هەیە.

ئەستێرە فەرەنسیەکە وتوویشیەتی: ئێمە لەگەڵ هەموو یارییەکدا بەرەوپێش دەچین، هەوڵدەدەین ئەوەی چابی لە یارییەکاندا دەیەوێت بەدەستیبهێنین.

چوامینی ئاماژەی بەوەکردووە، لەگەڵ چابی وەک تیم و تاکە کەسیش پێشدەکەوین، هەمووان لە ژێر راهێنەرایەتی ئەو راهێنەرەدا، هەست بە ئاسوودەیی دەکەن.

لەکۆتاییدا رایگەیاند: لەم وەرزەدا دەیانەوێت هەموو شتێک بەدەستبهێنن، ئەگەریش لەسەر ئاستی ئێستاش بەردەوام بن، ئەوا چانسێکی باشيان هەیە بۆ ئەوەی ئەو کارە بکەن.